Draupnir frá Stuðlum heiðursverðlaunahestur fyrir afkvæmi

Draupnir frá Stuðlum hlýtur nú heiðursverðlaun fyrir afkvæmi með 128 stig í aðaleinkunn kynbótamatsins og 55 fullnaðardæmd afkvæmi. Draupnir er ræktaður af Eddu Björk Ólafsdóttur og Páli Stefánssyni, sem áttu hann í samstarfi við þau Hauk Baldvinsson og Ragnhildi Loftsdóttur í Austurási. Hann er nú í eigu Önju Egger-Meier og Kronshofs GbR og er staðsettur í Þýskalandi.

Draupnir er undan heiðursverðlauna hrossunum Kiljani frá Steinnesi og Þernu frá Arnarhóli. Hann hlaut í sínum hæsta kynbótadómi 8,74 fyrir sköpulag þar ber hæst einkunnin 9,0 fyrir háls,herðar og bóga, bak og lend og samræmi. Fyrir hæfileika hlaut hann 8,97. Hlaut hann m.a. einkunnina 9,5 fyrir vilja og geðslag og einkunnina 9,0 fyrir eiginleikanna tölt, brokk, skeið, fegurð í reið og hægt tölt var aðaleinkunn hans 8,88 þá sýndur af Árna Birni Pálssyni.

Hæst dæmda afkvæmi hans er Fjöður frá Syðri-Gróf 1 sem varð í þriðja sæti í elsta flokki hryssa á Landsmótinu í sumar með 8,72 í aðaleinkunn. Þá stóð sonur hans, Drangur frá Steinnesi, efstur í elsta flokki stóðhesta á Landsmótinu í sumar með 8,66 í aðaleinkunn.

Ragnhildur, Haukur, Draupnir, Páll og Edda Björk

10 hæst dæmdu afkvæmi Draupnis