Drög að dagskrá Íslandsmótsins í hestaíþróttum klár

Íslandsmót í hestaíþróttum í meistara- og ungmennaflokki fer fram á glæsilegu félagssvæði Sörla í Hafnarfirði dagana 16. til 20. júní næstkomandi. Fyrir þá sem ekki eiga heimangengt er vert að geta þess að mótið verður í beinni útsendingu á streymisveitu EiðfaxaTV, svo enginn þarf að missa af tilþrifunum.

Dagskrá mótsins hefur verið skipulögð sérstaklega með það í huga að áhorfendur eigi þess kost að horfa á sýningarnar eftir hefðbundinn vinnudag og á frídögum. Á Sörlastöðum verða veitingar í boði alla mótsdagana og má búast við mikilli stemningu í brekkunni. Sérstök athygli er vakin á þjóðhátíðardeginum, 17. júní, en þá verður sönn töltveisla þar sem fram fer forkeppni í töltgreinum.

Skráningarfrestur og lokahóf

Hestamenn eru hvattir til að hafa hraðar hendur, en opið er fyrir skráningu á mótið fram til miðnættis föstudaginn 12. júní. Mótinu lýkur svo með pompi og prakt á glæsilegu lokahófi laugardagskvöldið 20. júní. Hér að neðan má sjá drög að dagskrá, en athugið að endanleg dagskrá verður gefin út þann 13. júní.

Dagskrá Íslandsmóts (Drög)

Þriðjudagur 16. júní – Forkeppni
13:00 Fimmgangur (F1) ungmenna
16:00 Fimmgangur (F1) meistara
20:00 Skeiðkappreiðar: 250 m kappreiðaskeið (P1) og 150 m kappreiðaskeið (P3), 1. og 2. umferð.

Miðvikudagur 17. júní – Forkeppni (Töltveisla)
12:00 Slaktaumatölt (T2) ungmenna
14:00 Tölt (T1) ungmenna
15:30 Slaktaumatölt (T2) meistara
19:00 Tölt (T1) meistara

Fimmtudagur 18. júní – Forkeppni
14:00 Fjórgangur (V1) ungmenna
15:30 Fjórgangur (V1) meistara
20:00 Gæðingaskeið (PP1) ungmenna og meistara

Föstudagur 19. júní – B úrslit
10:00 – 11:00 Klár í keppni: Skoðun hrossa sem mæta til B úrslita
12:00 Skeiðkappreiðar: 250 m (P1) og 150 m (P3), 3. og 4. umferð
14:00 B úrslit í fjórgangi (V1) ungmenna
14:30 B úrslit í fjórgangi (V1) meistara
15:00 B úrslit í fimmgangi (F1) ungmenna
15:40 B úrslit í fimmgangi (F1) meistara
17:30 B úrslit í slaktaumatölti (T2) ungmenna (eftir hlé)
18:00 B úrslit í slaktaumatölti (T2) meistara
18:30 B úrslit í tölti (T1) ungmenna
19:00 B úrslit í tölti (T1) meistara

Laugardagur 20. júní – A úrslit
10:00 – 11:00 Klár í keppni: Skoðun hrossa sem mæta til A úrslita
12:00 Flugskeið 100 m (P2)
14:00 A úrslit í fjórgangi (V1) ungmenna
14:30 A úrslit í fjórgangi (V1) meistara
15:00 A úrslit í fimmgangi (F1) ungmenna
15:40 A úrslit í fimmgangi (F1) meistara
17:30 A úrslit í slaktaumatölti (T2) ungmenna (eftir hlé)
18:00 A úrslit í slaktaumatölti (T2) meistara
18:30 A úrslit í tölti (T1) ungmenna
19:00 A úrslit í tölti (T1) meistara
20:00 Lokahóf