Elding hæst dæmd á Rangárbökkum

Fyrri viku síðsumarssýninga á Rangárbökkum lauk nú í dag með yfirlitssýningu, dómarar voru Guðbjörn Tryggvason, Elisabeth Trost og Steinunn Anna Halldórsdóttir. Alls voru 77 hross sýnd í vikunni og þar af 61 í fullnaðardóm. Margt góðra hross kom fram í vikunni og hlutu 37 hross yfir 8,00 í aðaleinkunn og 1.verðlaun.

Sýnt var frá sýningunni á EiðfaxaTV og er hún þar aðgengileg fyrir áskrifendur okkar.

Hæst dæmda hrossið var Elding frá Árdal en sú er 6.vetra gömul undan Fenri frá Feti og Þrumu frá Árdal. Hún er ræktuð af og í eigu þeirra Ómars Péturssonar og Henrik Falster-Hansen. Hlaut Elding fyrir sköpulag 8,42, fyrir hæfileika 8,50 þar af 9,0 fyrir skeið og samstarfsvilja og er aðaleinkunn 8,47 sýnandi á Eldingu var Guðmundur Björgvinsson.

Hæst dæmdi stóðhesturinn á sýningunni var Þrymur frá Auðsholtshjáleigu sem er sex vetra gamall undan Þráni frá Flagbjarnarholti og Prýði frá Auðsholtshjáleigu hann var sýndur af Árna Birni Pálssyni en er ræktaður af og í eigu Gunnars Arnarssonar og Kristbjargar Eyvinsdóttir. Hlaut hann 8,19 fyrir sköpulag, 8,53 fyrir hæfileika og í aðaleinkunn 8,41 þar af 9,5 fyrir skeið. Þá kom einnig áhugaverður 4.vetra hestur fram frá Auðsholtshjáleigu, Hamar, hann blandar sér í röð hæst dæmdu fjögurra vetra fola í ár með 8,41 í aðaleinkunn undan Álfakletti frá Syðri-Gegnishólum og Rímu frá Auðsholtshjáleigu.

Þá hlutu nokkur hross 9,5 (úrvalseinkunn) fyrir einstaka eiginleika.

• Amíra frá Hólum hlaut 9,5 fyrir brokk
• Júlía frá Steinnesi hlaut 9,5 fyrir greitt stökk
• Herdís frá Þjóðólfshaga 1 hlaut 9,5 fyrir réttleika
• Mánadís frá Fornusöndum hlaut 9,5 fyrir prúðleika

Hross dæma á sýningunni raðað eftir aðaleinkunn