Elísabet Norðurlandameistari í unglingaflokki

6. ágúst 2026
Fréttir

Þau voru spennandi A úrslitin í unglingaflokki en mjótt var á munum og skiptust knapar á efsta sæti.

Fór það svo að Elísabet Líf Sigvaldadóttir og Dyggur fran Stummelbol unnu með 8,50 í einkunn. Fyrsti Norðurlandameistaratitilinn til Íslands og fyrsti titill Elísabetar.

Í öðru sæti varð Alice Edvinsson Karelíusson á Riddara frá Hofi með 8,43 í einkunn og í því þriðja Isabella Larsson á Leó fran Anghaga með 8,41 í einkunn. Báðar keppa þær fyrir hönd Svíþjóðar.

Næst á dagskrá eru A úrslit í A flokki ungmenna. Hægt er að sjá dagskrá og ráslista á HorseDay og horfa á mótið í beinni á EiðfaxaTV.

Niðurstöður úr A úrslitum í unglingaflokki

Sæti	Knapi	Hross	Land	Einkunn
1	Elísabet Líf Sigvaldadóttir	Dyggur från Stummelbol	Ísland	8,50
2	Alice Edvinsson Kareliusson	Riddari frá Hofi	Svíþjóð	8,43
3	Isabella Larsson	Leó från Änghaga	Svíþjóð	8,41
4-5	Saga Knutsen Eiriksdottir	Ýmir frá Selfossi	Noregur	8,38
4-5	Nike Jakobsson	Sleipnir frá Ósi	Svíþjóð	8,38
6	Hannah Eggen Bragstad	Þorsti frá Ytri-Bægisá I	Noregur	8,37
7	Andreas Lie Sørensen	Djásn frá Arnbjörgum	Noregur	8,36
8	Rigmor Balle	Leistur frá Hólum	Danmörk	8,32
9	Anette Korhonen	Alísa frá Strandarhjáleigu	Finnland	8,25