Elva Rún og Kvasir sigurvegarar B-úrslita í tölti

8. ágúst 2026
Fréttir

Þrír íslenskir knapar tóku þátt í úrslitunum

Næst síðasti keppnisdagur Norðurlandsmóts er nú í fullum gangi og nú seinni partinn fara fram hin ýmsu B-úrslit. Hægt er að horfa á Norðurlandamótið í beinni á EiðfaxaTVen allar upplýsingar, ráslista og dagskrá er hægt að sjá í HorseDay.

Í B-úrslitum í ungmennaflokki í tölti voru þrír íslenskir knapar á meðal þátttakenda. Elva Rún Jónsdóttir og Kvasir frá Steinnesi voru fremst á meðal jafningja og unnu sér þátttökurétt til A-úrslita með 7,17 í einkunn. Elísabet Líf Sigvaldadóttir og Dyggur från Stummelbol urðu henni næst með 6,89 í einkunn og Fanndís Helgadóttir og Ötull frá Narfastöðum náðu níunda sætinu með 6,44 í einkunn.

B úrslit
Sæti	Knapi	Hross	Einkunn
6	Elva Rún Jónsdóttir	Kvasir frá Steinnesi	7,17
7	Elísabet Líf Sigvaldadóttir	Dyggur från Stummelbol	6,89
8	Pernille Hansen-Christiansen	Bakkus fra Grundet Hus	6,56
9	Fanndís Helgadóttir	Ötull frá Narfastöðum	6,44
10	Molly Eriksson	Erró frá Ármóti	6,22

Í unglingaflokki var það hin norska Mia Skavhaug á Atgeiri frá Margrétarhofi sem tryggði sér þátttökurétt í A-úrslitum með 6,39 í einkunn.

B úrslit
Sæti	Knapi	Hross	Einkunn
6	Mia Skavhaug	Atgeir frá Margrétarhofi	6,39
7	Ella Oxaas-Egge	Hrafnkatla fra Nyberg	5,72
8	Lilja Kontio	Dásemd frá Traðarholti	5,67
9	Molly Öberg	Lótus från Ödegården	4,89