Estrógenið flæðir

Oft er talað um að hestamennska sé kvennasport, en karlar hafa þó ávallt verið í miklum meirihluta sýnenda kynbótahrossa. Það vekur því talsverða athygli að knapar efstu hryssa í kynbótadómi eru allar konur.

Í elsta flokki er það Hrefna María Ómarsdóttir sem sýnir Kolku frá Hákoti, Olil Amble ræktar og sýnir Álfhildi frá Syðri-Gegnishólum í flokki 6 vetra hryssna og Fanney Guðrún Valsdóttir sýndi Sif frá Akurgerði II í morgun í hæsta dóm 5 vetra hryssna.