Fljótir hestar og flinkir í fimmgangi á Þýska Meistaramótinu

5. ágúst 2021
Fréttir

Annar keppnisdagur Þýska meistaramótsins fór fram í dag þegar keppt var í forkeppni í fimmgangi og fyrri tveimur sprettum í 250 og 150 metra skeiði.

Keppni heldur áfram á morgun þegar C- og B-úrslit hefjast í nokkrum greinum auk Futurity flokkum í fimmgangi og fjórgangi en það er vinsæl keppnisgrein í Þýskalandi þar sem unghross keppa og fá einkunn sem líklegt er að þau hljóti í framtíðinni. Þá fer einnig fram forkeppni í tölti þar sem margir stórkostlegir hestar og knapar eru skráðir. Þetta allt má horfa á í beinni útsendingu með því að smella hér.

Eins og Eiðfaxi greindi frá fyrr í dag að þá átti Frauke Schenzel góða sýningu á Óðni vom Habichtswald og er hún efst að lokinni forkeppni með einkunnina 7,90. Það nægði Frauke ekki því hún bætti um betur og er með þrjá hesta inni í A-úrslitum og þarf því að velja hvern hún mætir með. Hún er í öðru sæti á Djásn frá Vesturkoti með 7,37 í einkunn og 5-7 sæti á Elju frá Sauðholti 2 með 7,10 í einkunn. Þriðja að lokinni forkeppni er Lisa Drath á Byr frá Strandarhjáleigu með 7,30 í einkunn. Athygli vekur að 7 af 10 efstu hrossum í fimmgangi eru fædd á Íslandi. Þá verður að minnast á að Koki Olason er í 10 sæti á Frama frá Hrafnsholti og er því að öllum líkindum byrjaður að banka á landsliðsdyrnar hjá Sigurbirni Bárðarsyni. Þá er landsliðsknapinn Beggi Eggertsson með þátttökurétt í A-úrslitum á Eldi frá Hrafnsholti með 7,10 í einkunn.

10 efstu í fimmgangi

#.	Knapi	Hestur	Einkunn
1	Frauke Schenzel	Óðinn vom Habichtswald	7,90
2	Frauke Schenzel	Djásn frá Vesturkoti	7,37
3	Lisa Drath	Byr frá Strandarhjáleigu	7,30
4	Vicky Eggertsson	Gandur vom Sperlinghof	7,27
5	Silvia Ochsenreiter-Egli	Heljar frá Stóra-Hofi	7,10
5	Beggi Eggertsson	Eldur frá Hrafnsholti	7,10
5	Frauke Schenzel	Elja frá Sauðholti 2	7,10
8	Catherina Müller	Á frá Pétursbergi	7,03
8	Brynja Sophie Arnason	Skuggi frá Hofi I	7,03
10	Koki Olason	Frami vom Hrafnsholt	7,00

Þjóðverjar eiga greinilega líka úr að spila fljótum hrossum í kappreiðaskeiði og þar er spennan mikil eftir fyrri tvo sprettina og litlu munar á fljótustu hestum. Seinni tveir sprettirnir fara fram á laugardag.

Í 250 metra skeiði eru jöfn í fyrsta sæti Anna-Alice Kesenheimer á Vídalín frá Hamrahóli og Siggi Narfi Birgisson á Gusti frá Syðri-Hofdölum en þau fóru á tímanum 22,37 sekúndum. Í Þriðja sæti er svo Markus Albrecht-Schoch á Kóngio frá Lækjamóti á tímanum 22,40.

10 efstu í 250 metra skeiði

#	Knapi	Hestur	Tími
1	Anna-Alice Kesenheimer	Vídalín frá Hamrahóli	22,37″
1	Siggi Narfi Birgirsson	Gustur frá Syðri-Hofdölum	22,37″
3	Markus Albrecht-Schoch	Kóngur frá Lækjamóti	22,40″
4	Alexander Fedorov	Hrólfur frá Hafnarfirði	22,50″
5	Nina Kesenheimer	Krummi vom Pekenberg	22,51″
6	Vera Weber	Náttrún vom Schloßberg	22,53″
7	Steffi Plattner	Ísleifur vom Lipperthof	22,57″
8	Jens Füchtenschnieder	Sproti vom Mönchhof	22,91″
9	Stephan Michel	Gellir frá Sauðárkróki	23,05″
10	Claudia Rinne	Hetja frá Bjarnastöðum	23,64″

Í 150 metra skeiði munar einungis einu sekúndubroti á Ladinu Sigurbjörnsson-Foppa sem er í fyrsta sæti á Styrla fra Skarstad á 14,47 sekúndum og Horst Klinghart á Anægju vom lixhof sem fór á tímaum 14,48 sekúndum. Í þriðja sæti er Siggi Narfi Birgisson á Snarpi frá Nýjabæ á 14,59 sekúndum.

10 efstu í 150 metra skeiði

#.	Knapi	Hestur	Tími
1	Ladina Sigurbjörnsson-Foppa	Styrla fra Skarstad	14,47″
2	Horst Klinghart	Anægja vom Lixhof	14,48″
3	Siggi Narfi Birgirsson	Snarpur frá Nýjabæ	14,59″
4	Ronja Klein	Tónn vom Ilpetal	15,64″
5	Ladina Sigurbjörnsson-Foppa	Hafliði frá Hólaborg	15,81″
6	Viola Langer	Vaskur vom Schlossblick	16,00″
7	Martina Gifi	Sóley von der Neitzerheide	16,18″
8	Sophie Veltmann	Safír frá Efri-Þverá	16,49″
9	Svenja Wagner	Gletta frá Ægissíðu 4	16,59″
10	Katharina Müller	Nona vom Heesberg	16,78″