Frábærir stóðhestar komu til dóms á vorsýningum

Vorsýningum kynbótahrossa er nú lokið hér á landi en alls eru fullaðardómar vorsins 628 og hafa hross verið sýnd á átta mismunandi sýningum um landið nánar tilltekið á Hellu, Hólum, Hafnarfirði og Akureyri. Alls hafa 218 stóðhestar komið til fullnaðardóms, 405 hryssur og 5 geldingar. Þessu til viðbótar hafa 61 stóðhestur og 75 hryssur komið til sköpulagsdóms.

Tíu efstu hross vorsýninga hafa áunnið sér þátttökurétt á landssýningu sem fram fer í Borgarnesi og er þau að finna hér á listanum yfir hæst dæmdu hrossin.

Í flokki 4.vetra stóðhesta er það Fróði frá Flugumýri sem er með hæsta aðaleinkunn að vorsýningum loknum og það sem klárhestur. Fróði er undan Hring frá Gunnarsstöðum og Fýsn frá Feti. Hann hlaut fyrir sköpulag 8,45, fyrir hæfileika 8,31 og í aðaleinkunn 8,36. Sýnandi Fróða var ræktandin eigandi hans Eyrún Ýr Pálsdóttir en hún er einnig ræktandi ásamt Teiti Árnasyni. Fróði var dæmdur á vorsýningum á Sörlastöðum í Hafnarfirði dagana 7. til 11.júní.

Magni frá Stuðlum er hæst dæmdi 5.vetra stóðhestur vorsins með 8,74 fyrir sköpulag, 8,40 fyrir hæfileika og 8,52 í aðaleinkunn. Ræktendur eru Edda Björk Ólafsdóttir og Páll Stefánsson sem jafnframt er eigandi ásamt Ólafi Tryggva Pálssyni og Hrafnkeli Áka Pálssyni. Faðir Magna er Konsert frá Hofi og móðir er Staka frá Stuðlum. Sýnandi hans var Árni Björn Pálsson á Gaddstaðaflötum dagana 31.maí til 4.júní.

Hæst dæmdur í flokki sex vetra hesta er Seðill frá Árbæ með 8,79 fyrir sköpulag, 8,62 fyrir hæfileika og í aðaleinkunn 8,68. Ræktandi og eigandi hans er Maríanna Gunnarsdóttir. Faðir Seðils er Sjóður frá Kirkjubæ og móðir Verona frá Árbæ. Sýnandi hans var Árni Björn Pálsson og kom hann fram á Hellu vikuna 7.-11.júní.

Í flokki sjö vetra stóðhesta og eldri er það Glampi frá Kjarrhólum sem hæstan dóm hlaut í vor. Hann er níu vetra gamall og ræktendur hans eru Axel Davíðsson og Bragi Sverrisson en eigandi er gæðingar ehf. Glampi hlaut 8,59 fyrir sköpulag, 8,72 fyrir hæfileika og í aðaleinkunn 8,68 það var Daníel Jónsson sem sýndi Glampa í Hafnarfirði dagana 7.-11.júní.

4 vetra hestar

5 vetra hestar

6 vetra hestar

 7 vetra hestar og eldri

Bottom of Form