Fræðslunefnd óskar eftir umsóknum um reiðkennslu 2021-2022

Fræðslunefnd Fáks undirbýr nú næsta starfsár og hefur hug á því að hefja tímabilið af krafti næstkomandi haust.

Óskar nefndin því eftir umsóknum frá áhugasömum reiðkennurum sem hefðu hug á því að kenna eða vera með sýnikennslu í Fáki á tímabilinu september 2021 til maí 2022. Fyrirkomulagið getur verið margvíslegt, allt frá dagsnámskeiði til viku- eða mánaðarlegra námskeiða yfir ákveðið tímabil svo dæmi sé tekið.

Þá hefði nefndin einnig áhuga á að heyra frá öðru fagfólki í hrossarækt sem hefði áhuga á því að vera með fræðslu fyrir Fáksfélaga. Þeir fræðslufundir sem voru haldnir í vetur voru mjög vel sóttir og áhugi félagsmanna mikill um allt sem viðkemur hestamennskunni.

Tekið verður við umsóknum/fyrirspurnum á netfanginu [email protected] til og með
6. júní 2021. Í umsókninni þarf að koma fram um hvers konar námskeið eða fræðslu er að ræða.

Nefndin áskilur sér rétt til þess að velja og hafna umsóknum.