Freja og Tóra Norðurlandameistarar unglinga í fimmgangi

Úrslitadagur Norðurlandamóts í hestaíþróttum er upp runninn sem að sjálfsögðu er í beinni á EiðfaxaTV en allar upplýsingar, ráslista og dagskrá er hægt að sjá í HorseDay og einnig má sjá dagskrá dagsins hér.

Fyrstu úrslit dagsins voru A-úrslit í fimmgangi unglinga þar sem íslendingar áttu einn fulltrúa, Viktor Arnbro á Ársólu från Stensäter.

Norðurlandameistari árið 2026 er Freja Hesselbjerg á Tóru fra Almindingen með 5,55 í eiknunn í öðru sæti örlítið lægri í einkunn var Molly Öberg á Lótusi från Ödergården með 5,52 og í þriðja sætinu Julie Forberg á Taktík fra Teland með 5,14. Viktor var í baráttunni um sigur fram að sýningum á skeiði þar sem þau Ársól náðu ekki að sýna sitt besta í dag.