Frumtamningarnámskeið í október

Hestamannafélagið Fákur og Róbert Petersen reiðkennari verða með frumtamningarnámskeið sem hefst mánudaginn 30. september nk. Hver þátttakandi kemur með sitt trippi og farið verður í gegnum helstu þætti frumtamningar, s.s.:

•      Atferli hestsins
•      Leiðtogahlutverk
•      Fortamning á trippi
•      Undirbúningur fyrir frumtamning
•      Frumtamning

Bóklegir tímar:   2
Verklegir tímar:  11 
Tímar: Mánudagskvöld, þriðjudagskvöld og fimmtudagskvöld í fjórar vikur. 
Verð: 35.000.- 

Fjórir verða í hverjum hópi en hámarksfjöldi á námskeiðið er 12 – 16 þátttakendur. Bóklegir tímar verða sameiginlegir fyrir allan hópinn. Verkleg kennsla verður í Reiðhöllinni og í hesthúsinu hjá Róberti þar sem unnið verður með trippin. Einnig eiga nemendur að fylgjast með öðrum og læra þannig á mismunandi hestgerðir og mismunandi aðferðir við for- og frumtamningu. 

Skráning fer bara fram á sportfengur.com (sjá slóð) – lokaskráningarfrestur er föstudaginn 26. september. Fáksfélagar ganga fyrir en námskeiðið er öllum opið. (sjá nánar)