Fyrsta kynbótasýningin í Hollandi

Fyrsta kynbótasýningin í Hollandi fór fram nú um helgina. Tólf hross voru skráð á sýninguna, hlutu 11 hross fullnaðardóm og eitt af þeim fyrstu verðlaun.

Dómarar á sýningunni voru þau John Siiger Hansen (DK), Nina Bergholtz (SE) og Thomas Grégoire (NL).

Tangó vom Mönchhof, 8 vetra, var sýndur af Isabelle Füchtenschnieder en Tangó hlaut í aðaleinkunn 8,21, fyrir sköpulag hlaut hann 8,24 og fyrir hæfileika 8,19.

Efsta hollensk ræktað hrossið var hin átta vetra Óskadís frá Breiðablik, undan Eðlu frá Breiðablik og Djákna frá Flagbjarnaholti. Óskadís hlaut 8,03 fyrir sköpulag, 7,36 fyrir hæfileika sem gerir 7,60 í aðaleinkunn.

Nokkur hross voru skráð á sýninguna sem Þórður Þorgeirsson átti að sýna en hann hefur sýnt nokkur hross í Hollandi undanfarin ár. En þar sem Þórður datt af baki nýlega gat hann ekki mætt og sýnt og ákváðu nokkrir ræktendur að mæta ekki með hrossin sín í dóm.

Hér fyrir neðan er listi yfir þau hross sem voru dæmd á sýningunni raðað eftir aðaleinkunn.