Gæðingaknapi ársins

  • 30. október 2021
  • Fréttir
Daníel Jónsson

Gæðingaknapi ársins 2021 er Daníel Jónsson en valið var kynngjört rétt í þessu á verðlaunahátíð Landsambandsins sem haldin er á Hotel Natura. Í tilkynningu frá Landssambandinu kemur fram:

„Daníel Jónsson hefur lengi verið í fremstu röð afreksknapa. Hann reið Adrían frá Garðshorni á Þelamörk til sigurs í sterkum B-flokki gæðinga á Fjórðungsmótinu í Borgarnesi með eftirminnilegum hætti. Þeir félagar sitja einnig efstir á stöðulista ársins í B-flokki með einkunnina 8,81 í forkeppni. Daníel slær ekki slöku við og mætir ár eftir ár með frábæra gæðinga til leiks og ólíklegt er að á því verði breyting á næstu árum, Daníel er gæðingaknapi ársins.“

Eiðfaxi óskar Daníeli innilega til hamingju með árangur ársins!

 

 

Aðrir tilnefndir voru:

  • Árni Björn Pálsson
  • Sigurbjörn Bárðarson
  • Viðar Ingólfsson
  • Þórarinn Eymundsson

Nýjasta tölublað

Tengdar greinar