Gluggað í gömul blöð

 

Tilgangur útgáfunnar var að flytja fregnir af því sem gerðist á sviði hestamennsku, en fjölmiðar þóttu heldur tregir við fréttaflutning af málefnum íslenska hestsins.

„Ég hafði baslað við það í nokkur ár að  koma hestamennsku í blöðin, en það gekk misjafnlega. Hestamenn tóku umræðunni ágætlega en ritnefndir blaðanna voru ekki mjög hrifnar af þessu, fengu bara lykt af hrossaskít í nasirnar. Okkur þótti ástæða til þess að stofna sérstakt fréttablað um hestinn og úr varð Eiðfaxi,“ sagði Sigurjón Valdimarson, einn af stofnendum Eiðfaxa og fyrsti ritstjóri tímaritsins í viðtali við blaðið er hann varð áttræður í byrjun árs.  Hann stofnaði málgagnið í félagi við Pétur Behrens, Gísla B. Björnsson, Sigurð Haraldsson, Árna Þórðarson, Sigurbjörn Bárðarson og Þorvald Árnason.

 

Stofnfundur útgáfufélagsins Eiðfaxa hf. var svo haldinn í febrúar sama ár og voru þá Árni Þórðarson, Pétur Behrens, Sigurður Haraldsson, Sigurður Sæmundsson og Þorvaldur Árnason kosnir í ritnefnd blaðsins.

 

Í fyrstu blöðunum kennir ýmissa grasa, ræktunarstefnur eru ræddar, fréttir af mótum þóttu skemmtilegar, reglur og reglugerðir voru að mótast og ýmis starfsemi hestamennskunnar kynnt.

 

Nú má glugga í nokkur af fyrstu tölublöðum Eiðfaxa hér: