Guðmundur Norðurlandameistari í gæðingaskeiði

5. ágúst 2026
Fréttir

Bronsið til Íslands

Það var æsispennandi keppni í gæðingaskeiði í fullorðinsflokki. Tuttugu keppendur tóku þátt og áttu Íslendingar þar einn fulltrúa, Begga Eggertsson og Fjalladís frá Fornusöndu, fyrrum heimsmeistara í greininni.

Guðmundur Einarsson og Draumur från Tängmark áttu bestu sprettina og eru Norðurlandameistarar í greininni. Þeir keppa fyrir hönd Svíþjóðar líkt og Wictoria Gren og Kjarval fra Søtofte en þau nældu sér í silfrið með 7,50 í einkunn. Með sömu einkunn en raðast neðar varð svo Beggi Eggertsson og Fjalladís frá Fornusöndum með 7,50 í einkunn.

Rasmus Møller Jensen varð í fjórða á Hörpu frá Höskuldsstöðum en hún var í íslenska landsliðinu á síðasta heimsmeistaramóti og varð hún og Jón Ársæll Bergmann heimsmeistarar í greininni í ungmennaflokki.

Hægt er fylgjast með mótinu í beinni á EiðfaxaTV en allar niðurstöður, ráslista og annað er hægt að nálgast á snjallforritinu HorseDay.

Niðurstöður úr gæðingaskeiðinu meistaraflokki

Sæti	Knapi	Hross	Einkunn
1	Gudmundur Einarsson	Draumur från Tängmark	7,79
2	Wictoria Gren	Kjarval fra Søtofte	7,50
3	Beggi Eggertsson	Fjalladís frá Fornusöndum	7,50
4	Rasmus Møller Jensen	Harpa frá Höskuldsstöðum	7,42
5	Steffi Svendsen	Bósi frá Húsavík	6,96
6	Liv Runa Sigtryggsdottir	Baltasar frá Strandarhjáleigu	6,83
7	Christina Lund	Gulltoppur frá Selfossi	6,67
8	Anne Frank Andresen	Vökull frá Leirubakka	6,63
9	Magnus Skulason	Framherji frá Skipaskaga	6,00
10	Viivi Soimes- Mattila	Mestur fra Lífsvatn	5,75
11	Katie Sundin Brumpton	Kolbeinn från Fögruhlíð	5,50
12	Madelen Johansson	Sjarmi från Kristineberg	5,17
13	Bjarne Fossan	Valíant fra Fossan	5,04
14	Maren Øyo	Abel fra Røysland	4,29
15	Robin Haraldsen	Páfi frá Kjarri	4,21
16	Daníel Ingi Smárason	Sif från Lindhof	4,04
17	Elsa Teverud	Kolskeggur från Gunvarbyn	3,75
18	Anne Stine Haugen	Harpa fra Gavnholt	3,71
19	Sigurður Óli Kristinsson	Lótus fra Søgård	3,21
20	Stian Pedersen	Adam fra Jakobsgården	0,58