Heiðurshestur, Landsþing og Orri

Þegar sumrinu sleppti fóru hestamenn inn á við og ræddu stöðu hestamennskunnar og mótuðu framtíðastefnur. Þetta bar til tíðinda í haust:

• Landsþing hestamanna var haldið í október. Mikil dramatík var á landsþinginu og fór það svo að Haraldur Þórarinsson þáverandi formaður LH sagði af sér ásamt allri stjórn LH. Landsþinginu var því frestað og fór fram í byrjun nóvember. Nýr formaður var valin, Lárus Ástmar Hannesson og kosin var ný stjórn.
• Skáreimin var leyfð á ný.
• Breytt var um staðarval Landsmóts hestamanna 2016 en ákveðið var að færa það á Hóla í Hjaltadal.
• Hrossarækt ehf. styrktu reiðþjálfun fatlaðra um rúmar tvær milljónir. Styrkupphæðin er afrakstur stóðhestahappdrættis og uppboðs á folatollum og listaverki.
• Lambanes var valið ræktunarbú ársins.
• Samba frá Miðsitju hlaut Glettubikarinn.
• Ákveðið var að halda Íslandsmót 2015 í Spretti.
• Fjórðungsmót Austurlands mun verða haldið á Stekkhólma í nágrenni Egilsstaða.
• Kynbótajöfur íslenskrar hrossastofnar féll frá en Orri frá Þúfu kvaddi þennan heim í lok september.
• Greinilega hefur dregið úr tíðni áverka í munni frá árinu 2012 bæði í keppni og kynbótasýningu.
• Íslenski hesturinn var valin heiðurshestur Frakklands.