Heimsmeistarinn efstur

Flokkur 6 vetra hryssna var næst stærsti flokkurinn í ár en alls voru 360 sex vetra hryssur sýndar. Það eru tæp 19% af öllum sýndum hrossum og 28% af dæmdum hryssum. Helmingurinn af efstu hryssunum er fæddar á Íslandi og stendur þar efst fulltrúi Íslands á heimsmeistaramótinu, Garún frá Árbæ. Garún hlaut sína hæstu einkunn á heimsmeistaramótin en hún stóð einnig uppi sem sigurvegari í sínum flokki. Hún er jafn falleg og hún er hæfileikarík en hún hlaut fyrir sköpulag 8,55 og fyrir hæfileika 8,66. Sýnandi Garúnar var Guðmundur F. Björgvinsson.

Önnur er Nípa frá Meðalfelli en hún hlaut 8,90 fyrir hæfileika. Hún hlaut fyrir tölt, stökk, fegurð í reið, hægt tölt og hægt stökk 9,0 og fyrir vilja og geðslag hlaut hún 9,5. Daníel Jónsson sýndi Nípu en þetta var hennar fyrsti kynbótadómur. Þriðja er danska hryssan Árdís fra Guldbæk en hún var þriðja á heimsmeistarmóti. Árdís hlaut 8,68 fyrir hæfileika og 8,31 fyrir sköpulag en það var Rasmus Møller Jensen sem sýndi hana. Árdís hlaut m.a. 9,0 fyrir tölt, skeið og vilja og geðslag.

6 vetra hryssur
8.62      Garún frá Árbæ    Aron frá Strandarhöfði       Glás frá Votmúla 1           Ísland
8.59      Nípa frá Meðalfelli           Orri Þúfu í Landeyjum      Esja Meðalfelli    Ísland
8.53      Árdís fra Guldbæk           Álfasteinn Selfossi           Nína Guldbæk    Danmörk
8.49      Gletting vom Kronshof     Teigur Kronshof  Astra Kronshof    Þýskaland
8.47      Bylgja frá Sauðárkróki      Blær Hesti         Glóblesa Skefilsstöðum    Ísland
8.44      Líf fra Slippen     Garri Reykjavík   Andrá Skarði      Danmörk
8.43      Kör  Ytterbø       Sævar Hæli        Ríma Kirkjubæ   Noregur
8.43      Sif frá Akurgerði II           Ómur Kvistum    Rönd Akurgerði  Ísland
8.42      Strönd frá Kirkjubæ         Stormur Leirulæk            Hrönn Kirkjubæ  Ísland
8.41      Glódís vom Kronshof       Depill Votmúla 1            Næpa Kronshof   Þýskaland