Herkúles á þau afkvæmi sem hæsta einkunn hlutu fyrir sköpulag

Nú er röðin komin að þeim eiginleikum sem dæmdir eru í sköpulagi og rýnum við í meðaltöl afkvæma þeirra stóðhesta sem eiga 1o eða fleiri sýnd afkvæmi í ár.

Alls eru 29 stóðhestar sem eiga 10 eða fleiri dæmd afkvæmi á árinu. Sá sem á flest afkvæmi með fullnaðardóm í ár er Konsert frá Hofi með 51 dæmt afkvæmi en þar á eftir eru þeir Skýr frá Skálakoti og Spuni frá Vesturkoti báðir með 37 sýnd afkvæmi. Með lægstan meðalaldur afkvæma er Draupnir frá Stuðlum en afkvæmi hans sem komu fram í ár voru einungis 4,3 vetra að meðaltali.

Herkúles frá Ragnheiðarstöðum, líkt og í fyrra, á þau afkvæmi sem hæstu einkunn hlutu fyrir sköpulag. Herkúles á 14 dæmd afkvæmi í fullnaðardómi í ár og er meðalaldur þeirra 5,9 ár. Afkvæmi hans sem til dóms komu eru samkvæmt þessu fallega sköpuð en þau hafa hæsta meðaltalið í þremur eiginleikum. Eiginleikarnir eru háls, herðar og bógar (me.8,50), samræmi (me.8,53) og prúðleiki (me.8,41). Þá er eins og áður segir meðaltal þeirra fyrir sköpulag hæst af þeim hestum sem eiga 10 fullnaðardæmd afkvæmi eða fleiri á árinu en þau hlutu 8,34 að meðaltali.

Þrír efstu hestar fyrir meðaleinkunn afkvæma fyrir eiginleikann háls, herðar og bógar

Þrír efstu hestar fyrir meðaleinkunn afkvæma fyrir eiginleikann samræmi

Þrír efstu hestar fyrir meðaleinkunn afkvæma fyrir eiginleikann prúðleika

Skaginn frá Skipaskaga á þau afkvæmi sem að meðaltalið hlutu hæstu einkunn fyrir höfuð eða einkunnina 8,23. Alls voru 10 afkvæmi Skagans sýnd í ár og meðalaldur þeirra var 4,9 ár.

Þrír efstu hestar fyrir meðaleinkunn afkvæma fyrir eiginleikann höfuð

Afkvæmi Hróðurs frá Refsstöðum hlutu að meðaltali hæstu einkunn fyrir bak og lend eða 8,59 í einkunn. Hróður átti 10 sýnd afkvæmi á árinu og meðalaldur þeirra er 6,2 ár. Afkvæmi Hróðurs voru einnig með hæstu meðaleinkunnina fyrir réttleika eða 8,09.

Þrír efstu hestar fyrir meðaleinkunn afkvæma fyrir eiginleikann bak og lend

Þrír efstu hestar fyrir meðaleinkunn afkvæma fyrir eiginleikann réttleika

Hreyfill frá Vorsabæ á þau afkvæmi sem hæstu einkunn hlutu fyrir fótagerð eða 8,45 var meðaltal einkunna þeirra. Hreyfill átti 11 sýnd afkvæmi á árinu og meðalaldur þeirra var 5,5 ár.

Þrír efstu hestar fyrir meðaleinkunn afkvæma fyrir eiginleikann fótagerð

Álfarinn frá Syðri-Gegnishólum, samkvæmt þessari töflu, skilar bestu hófunum en meðaltal einkunna afkvæma hans er 8,55 fyrir þann eiginleika. Álfarinn átti 10 sýnd afkvæmi á árinu en meðalaldur þeirra var 5,6 ár.

Hér fyrir neðan má sjá meðaltals einkunnir afkvæma allra þeirra stóðhesta sem eiga 10 eða fleiri fullnaðardæmd afkvæmi á árinu í öllum eiginleikum dæmdum í sköpulagi.

Ef þú ert að skoða töfluna í síma er hægt að færa sig fram og til baka á töflunni til þess að sjá alla eiginleika.