Hestaferðir skila milljörðum

Ætla má að tekjur af ferðamönnum sem koma hingað til lands gagngert til þess að fara í hestaferðir sé á bilinu 1-1,5 milljarðar króna. Þetta segir Einar Bollason, stjórnarformaður Íshesta í samtali við Viðskiptablaðið sem kom út í morgun.

Þá eru ótaldar tekjur vegna dagsferða eða hálfsdagsferða. Heildartölur veltu allra hestaleiga liggja ekki á takteinum, enda mikill fjöldi stórra og smárra hestaleiga starfandi á landinu.

Þrjár af stærstu hestaleigunum eru Íshestar í Hafnarfirði, Eldhestar á Völlum í Hveragerði og Laxnes í Mosfellssveit.

Nánar má lesa um málið í frétt Viðskiptablaðsins.