Hnokki frá Dýrfinnustöðum

Hnokki frá Dýrfinnustöðum er nýr fulltrúi Steðjaættarinnar úr Flókadal. Hann hlaut fyrstu verðlaun á Vindheimamelum á dögunum, 7,94 fyrir sköpulag, 8,23 fyrir kosti og 8,12 í aðaleinkunn. Hann er jafngóður alhliðahestur með 8,5 fyrir tölt, skeið, vilja og fegurð. Hann er fæddur grár en var orðinn hreinhvítur tveggja vetra. Hann er undan Hágangi frá Narfastöðum og Játningu frá Steðja, sem var skyldleikaræktuð af Steðjaætt.