Hólanemar kynna lokaverkefni sín

3. maí 2013
Fréttir

Diplómunemar í þjálfun og reiðkennslu hafa í gær og í dag verið að kynna lokaverkefni sín, sem þeir hafa unnið undir handleiðslu Helgu Thoroddsen. Nemarnir eru alls 19 og unnu ýmist einir eða tveir saman, þannig að alls voru verkefnin 13. Viðfangsefnin voru margvísleg, eins og sjá má af meðfylgjandi lista:

Teygjur og æfingar fyrir knapa (veggspjöld)

Þjálfun hrossa með sjúkrasögu

Slaktaumatölt
Þjálfunarstig
Að velja sér hest við hæfi
Um víðan völl (náttúran sem þjálfunarvöllur)
Svo er hestur sem hann er hafður
Fimleikar á hesti
Hestaviska
Hvernig á ég að kenna þér? (Greining og mat á reiðnemum)
Hringteymingar
Kynbótasýningar á fjögurra vetra hrossum
Hvernig er best að kenna knöpum að nota ábendingar?

Að sögn Helgu lögðu nemendur mikla vinnu í verkefnin og stóðu sig með mikilli prýði. Afraksturinn er í mörgum tilfellum tilbúið fræðsluefni sem mun nýtast höfundunum og öðrum í leik og starfi með íslenska hestinum í framtíðinni.