Hrossaræktendur funduðu í Danmörku

Opinn umræðufundur um ræktun var haldinn í Danmörku um miðjan mánuðinn.

Um 60 þátttakendur lögðu leið sína frá Noregi, Svíþjóð, Danmörku, Þúskalandi, Austuríki og Sviss, en skipuleggjendur voru dönsku ræktunarsamtökin og mun þetta vera í annað sinn sem slíkur fundur er haldinn.

Meðal þeirra sem mættu voru reyndir kynbótadómarar, sýnendur, tamningamenn, dýralæknar og áhugamenn. Fjallað var um velferð hesta og mat á vilja og geðslagi í kynbótadómum. Líflegar umræður sköpuðust einnig um möguleika í markaðssetningu íslenska hestsins og um þróun yfirlýstra ræktunarmarkmiða, þar sem ólíkar nálganir mismunandi hestamanna komu fram.

Umræðupunktar fundsins verða tekin til áframhaldandi umfjöllunar í ræktunarnefnd FEIF, samkvæmt frétt alþjóðasamtakanna.