Hylur, Kjarkur og Kvistur fljótastir í kvöld

Þriðju skeiðleikar Skeiðfélagsins, Lífland og EQUES Equipments fóru fram í kvöld á Selfossi og voru sýndir í beinni útsendingu hér á vef Eiðfaxa og í Sjónvarpi Símans.

Konráð Valur Sveinsson og Kjarkur frá Árbæjarhjáleigu voru með besta tímann í 250 m. skeiðinu eða 22,20 sek. Í öðru sæti varð Ævar Örn Guðjónsson á Vigdísi frá Eystri-Hól með tímann 22,94 sek. og í þriðja Sigursteinn Sumarliðason og Drottning frá Þóroddsstöðum með tímann 23,39 sek.

Larissa Silja Werner og Hylur frá Kjarri fóru hraðast 150 metrana á tímanum 15,14 sek. Þorgeir Ólafsson og Saga frá Sumarliðabæ 2 fóru næst hraðast á tímanum 15,20 sek. og í þriðja sæti voru Þráinn Ragnarsson og Blundur frá Skrúð með tímann 15,27 sek.

Í 100 m. skeiðinu urðu hlutskarpastir þeir Sveinn Ragnarsson og Kvistur frá Kommu á tímanum 7,65 sek. Annar varð Ævar Örn Guðjónsson með hryssuna Viðju frá Efri-Brú á tímanum 7,93 sek. Þriðja besta tíman átti Benedikt Ólafsson á Vonardís frá Ólafshaga á tímanum 7,99.

Næstu skeiðleikar fara fram á Hellu og verða samhliða Suðurlandsmóti, nánari dagsetning kemur þegar nær dregur.