Ísland er lang stærst þegar kemur að fjölda hrossa

Alþjóðasamtökin FEIF taka saman ýmsar tölfræði upplýsingar sem varpa ljósi á umfang Íslandshestamennskunnar í heiminum. Þar kemur fram fjöldi skráðra íslenskra hrossa í aðildarlöndunum, sem nú eru orðin 22 talsins, auk fjölda félaga í Íslandshestafélögum.

Þegar rýnt er í tölurnar er hægt að fá út að hver Íslendingur, skráður í hestamannafélag, eigi 7,4 hesta hér á Íslandi. Í Þýskalandi reiknast 2,56 hestar á hvern félaga, 5,3 í Danmörku og 4,8 hross á mann í Svíþjóð.

Ísland er lang stærst þegar kemur að fjölda hrossa með 91.872 hross skráð á lífi en á eftir okkur eru Þýskaland með 66.450 hross, Danmörk þriðju með 44.038 hross og Svíþjóð þar á eftir með 35.966.

Þegar kemur að fólki skráð í hestamannafélög þá er Þýskaland með ríflega helmingi fleira fólk, 25.937 manns, en á Íslandi en þar er fjöldinn 12.500.

Heimild: FEIF.org