Íslensk ræktun áberandi á Mið-Evrópumótinu í Þýskalandi

Á sama tíma og Norðurlandamótið var haldið í Svíþjóð fór Mið-Evrópumótið fram í Ellenbach í Þýskalandi dagana 5. til 9. ágúst. Á mótinu eiga þátttökurétt knapar frá tólf aðildarríkjum FEIF og er keppt bæði í fullorðins- og ungmennaflokki.

Hestakostur á mótinu þótti afar góður; einkunnir voru háar í hringvallargreinum og sömuleiðis náðust glæsilegir tímar á skeiðbrautinni.

Eftirtektarvert er hversu sigursæl íslensk ræktun var á mótinu. Í þeim sextán keppnisgreinum sem keppt var í  á mótinu var sigurhrossið ræktað á Íslandi í hvorki meira né minna en ellefu tilfellum.

Hér fyrir neðan má sjá alla sigurvegara mótsins í bæði fullorðins- og ungmennaflokki, ásamt einkunn eða tíma.

Fullorðnir

• Fjórgangur V1 – Frauke Schenzel – Hulinn frá Breiðstöðum: 7,87
• Fimmgangur F1 – Lisa Schürger – Byr frá Strandarhjáleigu: 7,40
• Tölt T1 – Frauke Schenzel – Sólfaxi frá Herríðarhóli: 8,39
• Tölt T2 – Stefan Schenzel – Ósk frá Stað: 8,21
• Gæðingaskeið – Laura Enderes – Fannar von der Elschenau: 8,88
• 250 metra skeið – Simon Pape – Gleði fra Egholm: 22,85 sekúndur
• 150 metra skeið – Vera Weber – Hnoppa frá Árbakka: 14,63 sekúndur
• 100 metra skeið – Vicky Eggertsson – Ylfa frá Miðengi: 7,67 sekúndur

Ungmenni

• Fjórgangur V1 – Daniel Rechten – Óskar från Lindeberg: 7,23
• Fimmgangur F1 – Maria-Chiara Timm – Nói frá Stóra-Hofi: 6,43
• Tölt T1 – Daniel Rechten – Óskar från Lindeberg: 7,50
• Tölt T2 – Leni Köster – Rögnir frá Hvoli: 6,79
• Gæðingaskeið – Maria-Chiara Timm – Nói frá Stóra-Hofi: 7,21
• 250 metra skeið – Joséphine Williams – Lér frá Valhöll: 22,63 sekúndur
• 150 metra skeið – Mylou Suylen – Leiknir vom Akazienhof: 14,57 sekúndur
• 100 metra skeið – Tabitha Hoffeld – Kló frá Einhamri 2: 7,83 sekúndur