ÍSTÖLT þeirra allra sterkustu

ÍSTÖLT þeirra allra sterkustu verður haldið á laugardagskvöldið kemur í Skautahöllinni í Laugardal og hefst kl. 20:00. Miðasalan hefst í verslunum Líflands, Ástundar, Top Reiter og Baldvins og Þorvaldar á morgun.  Miðaverð er kr. 3.500.

Að venju eru á ráslistanum þekktir knapar og hross og verður hann birtur í vikunni. Vitað er að Magnús Bragi Magnússon á Íbíshóli mætir á svæðið, en hann var maður mótsins á Mývatn Open fyrr í vetur. Vann töltið á Óskasteini frá Íbíshóli og stóðhestakeppnina á Vafa frá Ysta-Mói.