Íþróttaknapi ársins

Íþróttaknapi ársins 2021 er Jakob Svavar Sigurðsson en valið var kynngjört rétt í þessu á verðlaunahátíð Landsambandsins sem haldin er á Hotel Natura. Í tilkynningu frá Landssambandinu kemur fram:

„Jakob Svavar Sigurðsson, var í úrslitum á flestum þeim mótum sem hann tók þátt í á árinu og nældi sér oft í sigur. Hann varð tvöfaldur Íslandsmeistari á árinu í slaktaumatölti á Kopari frá Fákshólum og samanlagður fjórgangssigurvegari á Hálfmána frá Steinsholti en hann var í úrslitum bæði í tölti og fjórgangi á honum á Íslandsmótinu. Þeir Hálfmáni eru efstir á stöðulista ársins í fjórgangi og bættu svo rós í hnappagatið þegar þeir stóðu efstir í töltkeppni Fjórðungsmótsins í Borgarnesi. Jakob Svavar er öðrum knöpum fyrirmynd og mætir alltaf vel undirbúinn til leiks, hann er íþróttaknapi ársins.“

Eiðfaxi óskar Jakobi innilega til hamingju með árangur ársins!

Aðrir tilnefndir:

• Aðalheiður Anna Guðjónsdóttir
• Árni Björn Pálsson
• Eyrún Ýr Pálsdóttir
• Jóhanna Margrét Snorradóttir