Kór efstur á stöðulista í B flokki

Það styttist í að Landsmót hestamanna hefjist á Hólum en keppni hefst á sérstakri forkeppni í barnaflokki á sunnudeginum 5. júlí. Keppni í B flokki gæðinga hefst eftir hádegi á mánudeginum, 6. júlí. Keppni í B-flokki gæðinga á Landsmóti er einn af hápunktum mótsins og þar reynir á taktfestu, rými og glæsileika gæðingsins.

Meteinkunn inn á Landsmót

Efstur á stöðulista í B flokki inn á mótið eru Kór frá Skálakoti og Jakob Svavar Sigurðsson en þeir eru engir nýgræðingar í greininni og verða teljast sigurstranglegir. Þeir unnu B flokkinn á Fjórðungsmótinu í fyrra og voru í úrslitum á síðasta Landsmóti. Það eru 10 ár síðan Jakob vann B flokk á Landsmóti og var það einmitt á Hólum spennandi verður að sjá hvort hann endurtaki leikinn.

Hvarmur frá Brautarholti en er annar inn á mótið með knapa sínum Hönnu Rún Ingibergsdóttur en þau hafa vakið verðskuldaða athygli á keppnisbrautinni það sem af er sumri. Þriðji er Útherji frá Blesastöðum 1A, knapi Jóhanna Margrét Snorradóttir, en þau enduðu í 3 sæti á Landsmóti 2024.

Það verður nóg að gera hjá Adrían á Landsmótinu en hann kemur fjórði inn á mótið í B flokki og mun taka á móti afkvæmaverðlaunum á mótinu. Knapi á Adrían er Glódís Rún Sigurðardóttir og keppa þau fyrir hestamannafélagið Sprett. Fimmti inn á mótið er Pensill frá Hvolsvelli, knapi Elvar Þormarsson, þeir keppa fyrir hestamannafélagið Geysi og unnu B úrslitin á síðasta Landsmóti og enduðu í 4. sæti í A úrslitunum.

Fyrrum Landsmótssigurvegari keppir í öðrum flokki

Það var Safír frá Mosfellsbæ og knapi hans Sigurður Vignir Matthíasson sem unnu B flokkinn á síðasta Landsmóti. Safír verður í nýju hlutverki á mótinu en dóttir Sigurðar, Helga Rún, mun keppa á Safír í barnaflokki fyrir hestamannafélagið Fák. Safír mun einnig taka á móti fyrstu verðlaunum fyrir afkvæmi á mótinu. Sigurður Vignir er skráður með eitt hross í B flokknum og á fjórum í A flokki.

Landsmót 2026 í beinni á EiðfaxaTV

Landsmót hestamanna verður sýnt í beinni útsendingu á EiðfaxaTV. Með því að velja ársáskrift að EiðfaxaTV slá áskrifendur tvær flugur í einu höggi: Þeir fá tæpa 4 mánuði frítt, miðað við mánaðaráskrift, og fá aðgang að Landsmóti hestamanna innifalið í pakkanum. Vert er að vekja athygli á því að Landsmótið verður ekki innifalið í hefðbundinni mánaðaráskrift og því mikill fjárhagslegur ávinningur fólgin í því að næla sér í ársmiðann strax.

Stöðulisti í B flokki gæðinga

Hér fyrir neðan er stöðulistinn í B flokki gæðinga, 30 efstu hestar.