Lágmörk á Fjórðungsmót Austurlands

Dagana 2.-5. júlí verður verður fjórðungsmót Austurlands haldið á Stekkhólma.  Fagráð í hrossarækt gaf í upphafi árs út lágmörk fyrir kynbótahross inn á kynbótasýningu mótsins og eru þau eftirfarandi:

Flokkur – Aðaleinkunn alhliðahrossa / Aðaleinkunn klárhrossa    

• Stóðhestar 7 vetra og eldri   8,25 /  8,15
• Stóðhestar 6 vetra  8,20 / 8,10
• Stóðhestar 5 vetra 8,10 / 8,00
• Stóðhestar 4 vetra 7,95 / 7,85
• Hryssur 7 vetra og eldri 8,15 / 8,05
• Hryssur 6 vetra 8,10 / 8,00
• Hryssur 5 vetra 8,00 / 7,90
• Hryssur 4 vetra  7,85 / 7,75

Rétt til þátttöku í kynbótasýningu mótsins hafa hross sem náð hafa lágmörkum fyrir fjórðungsmót, í kynbótasýningu vorið 2015 og ræktuð eru eða eru í eigu aðila af svæðinu frá Siglufirði til Hornafjarðar, samkvæmt RML.  Tilkynna verður um þátttöku í kynbótasýningu mótsins fyrir 20. júní til Þorvaldar Kristjánssonar, ábyrgðarmanns hrossaræktar hjá RML.  Verði búið að leysa verkfall dýralækna fyrir fjórðungsmótið verður stóðhestum 5 vetra og eldri, sem ekki komust í kynbótadóm í vor vegna verkfallsins heimilt að koma í dóm á kynbótasýningu fjórðungsmótsins.

Sýningargjöld á kynbótasýningu fjórðungsmótsins verða innheimt samkvæmt gjaldskrá RML, eða 16.700 kr. fyrir reiðdóm hjá þeim hrossum sem koma inn á lágmörkum og 21.700 kr. fyrir fullnaðardóm stóðhesta sem ekki komust í dóm í vor vegna verkfalls.