Landsmóti hestamanna 2010 hefur verið frestað

Landsmóti 2010 hefur verið frestað. Endanleg ákvörðun var tekin um það á fundi hagsmunaaðila sem nú er að ljúka í landbúnaðarráðuneytinu. Haraldur Þórarinsson, formaður LH og Landsmóts ehf. staðfesti þetta í samtali við H&H laust fyrir klukkann 16.00 í dag. Hann vildi ekki greina frá niðurstöðunni í smáatriðum en sagði að verið væri að leggja lokahönd á fréttatilkynningu sem verður send út til fjölmiðla á næstu klukkustund.