Landsþing LH í október

Landsþing LH er haldið annað hvert ár og fer með æðsta vald í málefnum LH. Þingið sitja fulltrúar frá hestamannafélögum í landinu.

Þingið fer að þessu sinni fram á Hótel Örk í Hveragerði og er það Hestamannafélagið Ljúfur sem er gestgjafinn að þessu sinni og færum við Ljúfi bestu þakkir.

Allar breytingartillögur á keppnisreglum skulu berast keppnisnefnd LH og laganefnd LH eigi síðar en 1. september á landsþingsári. Tillögurnar skulu sendar skrifstofu LH á lh@lh.is. Keppnisnefnd og laganefnd fara yfir tillögurnar og veita umsögn sína um þær, séu þær þingtækar. Skal sú umsögn fylgja tillögunum inn á landsþing.

Málefni sem sambandsaðilar óska að tekin verði fyrir á þinginu, skulu tilkynnt stjórn LH minnst 4 vikum fyrir þingið eða fyrir miðnætti 2. október.

Innsendar tillögur skulu vera vel uppsettar, skýrar í framsetningu og með þeim skal fylgja greinargerð þar sem færð eru rök fyrir tillögunni og tilgangur hennar útskýrður.

Lög landsþings eru að finna hér.