Landslið Íslands Leiðin að gullinu

  • 22. nóvember 2022
  • Fréttir
Menntadagar A-landsliðsins.
Menntadagur íslenska landsliðsins verður haldinn í TM reiðhöllinni í Víðidal þann 10 desember næstkomandi.
Vegleg dagskrá er í boði yfir daginn þar sem okkar allra færustu knapar og þjálfarar halda sýnikennslur.
Þetta er frábært tækifæri fyrir fróðleiksþyrsta hestamenn að skyggnast inn í aðferðafræði landsliðsknapanna okkar, fræðast um þjálfun þeirra með hesta sína, skyggnast inn í undirbúning þeirra í upphafi vetrar og fá innblástur inn í nýjan hestavetur.
Nú er HM ár framundan, og íslenska landsliðið komið á fullt í sinn undirbúning og ætlar svo sannarlega ekki að láta sitt eftir liggja þegar á hólminn er komið.
Takið daginn frá, notið tækifærið og sækið ykkur fróðleik hjá knöpum á hæsta stigi reiðmennskunnar og styrkið landsliðið okkar til dáða inn í mikilvægt tímabil.
Vegleg dagskrá, ýmis varningur til sölu og flott veitingasala á staðnum yfir daginn.
Gullið tækifæri fyrir hestafólk á öllum aldri.
Miðasala fer fram á www.lhhestar.is

Nýjasta tölublað

Tengdar greinar