Maður á hesti fór niður um ís

Betur fór en á horfðist í morgun þegar maður og hestur fóru niður um ís á Hrístjörn við Dalvík, en þetta kemur fram á vef Morgunblaðsins.

Knapanum tókst að koma sér á ísinn og halda hestinum uppi á meðan hann hringdi eftir hjálp. Nokkur viðbúnaður var á tjörninni og voru björgunarsveitarfólk og lögregla kölluð á staðinn.

Varðstjóri á Tröllaskaga sagði í samtali við mbl.is að það hefði komið þeim á óvart hve djúpt var á staðnum þar sem fé­lag­ar fóru niður, það var ut­ar­lega í vatn­inu en ekki í því miðju. Hann seg­ir einnig að björg­un­in hafi tekið nokkuð á og hafi staðið tæpt um tíma.

Hvorki manni né hesti virðist þó hafa orðið meint af og því óhætt að segja að betur hafi farið en útlit var fyrir.