Markus Albrecht Schoch og Kóngur frá Lækjamóti efstir

Það styttist í Heimsmeistaramótið í Hollandi í ágúst en nú eru 5 dagar þangað til að mótið formlega hefst. Gaman er að glugga í WR listana og sjá hvaða knapar hafa verið að ná hæstu einkunnum og bestu tímunum í hverri grein. WR listinn er byggður á þremur hæstu einkunnunum/bestu tímum sem knapi og hestur hafa náð sér í á WR mótum síðustu tvö ár.

Efstir á WR listanum í 250 m. skeiði er Marcus Albrecht Schoch og Kóngur frá Lækjamóti með meðal tímann 21,45 sek. Markus og Kóngur keppa fyrir Sviss en þeir eru einnig efstir á heimslistanum í 100 m. skeiði. Fjórði á listanum er Hans Þór Hilmarsson og Jarl frá Þóroddsstöðum en þeir eru í öðru sæti á árslistanum eftir þeim Konráði og Kjark. Besti tími Hansa og Jarls í ár er 21,73 sek. Markus og Kóngur eru í fjórða á árslistanum með besta tímann 21,67 sek og fimmti Alexander Fedorov á Hrólfi frá Hafnarfirði með besta tímann 21,52 sek. Alexander og Hrólfur keppa fyrir Þýskaland. Daníel Gunnarsson og Eining eru í sjöunda sæti með besta tímann 21,76 sek.

WR listi FEIF í 250 m. skeiði