Matthías og Gustur á toppnum í A-flokki ungmenna

Áfram heldur keppni á Norðurlandamótinu í Herning en nú var að ljúka forkeppni í A-flokki ungmenna. Alls tóku 12 keppendur þátt og Ísland átti þrjá fulltrúa í þeirri grein, sem allir stóðu sig vel og ríða til A-úrslita á sunnudaginn. Það voru þeir Guðmar Hólm Ísólfsson Líndal, Sigurður Baldur Ríkharðsson og Matthías Sigurðsson.

Efstur að lokinni forkeppni er Matthías Sigurðsson á Gusti frá Stóra-Vatnsskarði með einkunnina 8,668. Gustur er 1.verðlauna stóðhestur undan Spuna frá Vesturkoti og Lukku frá Stóra-Vatnsskarði.

Guðmar Hólm Ísólfsson Línder er í öðru sæti á á Sólbjarti frá Akureyri, hlutu þeir einkunnina 8,492. Sólbjartur er 10.vetra gamall geldingur undan Kjarki frá Skriðu og Sóldísi frá Akureyri.

Sigurður Baldur Ríkharðsson keppti á Júní frá Brúnum, sem Benjamín Sandur Ingólfsson keppti á fyrir Íslandshönd á síðasta heimsmeistaramóti. Hlutu þeir 8,396 í einkunn fjórða sæti og þátttökurétt í A-úrslitum.

Niðurstöður úr forkeppni í A-flokki ungmenna