Meistaradeild Líflands og æskunnar – Védís Huld fagnaði sigri

 Tæplega fjörutíu glæsilegir fulltrúar ungu kynslóðarinnar á aldrinum 13-18 ára kepptu í krefjandi keppni.

Keppnin gekk afar vel fyrir sig en það er alkunna að unga fólkið er stundvísast hestamanna og prúðast.

Eftir forkeppnina stóð Védís Huld Sigurðardóttir efst á Hrafnfaxa frá Skeggsstöðum með 7,13. Skammt unda kom systir hennar Glódís Rún Sigurðardóttir á Glymjanda frá Íbíshóli með 6,93 og þriðji Guðmar Hólm Ísólfsson Líndal á Freyði frá Leysingjastöðum II með 6,63.

Tveir knapar tóku þátt í B-úrslitum með sömu einkunn. Það voru þau Kristófer Darri Sigurðsson á Verði frá Vestra-Fíflholti og Eygló Hildur Ásgeirsdóttir á Sögu frá Dalsholti. Keppnin þeirra á milli varð hörð og skemmtileg en á endanum fór það svo að Kristófer Darri hafði sigur. Samkvæmt reglum deildarinnar hlaut hann þó ekki sæti í A-úrslitum enda afar stuttur tími milli atriða á móti sem tók aðeins rúma fjóra tíma.

Védís Huld gaf ekkert eftir þegar komið var í A-úrslitin og hélt forystunni allt til enda og hlaut 7,30 í einkunn fyrir vel heppnaða sýningu. Glódís Rún hélt sömuleiðis sínu sæti og varð önnur með 7,13 og Benedikt Ólafsson hreppti þriðja sætið á Biskupi sínum með 6,93.

Lið Hrímnis í deildinni tók forystu í liðakeppninni og er staðan í henni svona eftir fyrsta mót:

Þeir sem hlutu stig í einstaklingskeppninni voru þessir:

Á næsta móti verður svo keppt í fimmgangi. Það mót fer fram 23. febrúar  í Samskipahöllinni.

V1 fjórgangur – allar niðurstöður