Meistarastofan

Alendis TV kynnir nýja þætti, seríu sem kallast Meistarastofan. Þar fáum við að hitta öll lið Meistaradeildarinnar og kynnast knöpum á öðrum forsendum en oft áður. Við fáum að skyggnast inn í þjálfun og undirbúning fyrir Meistaradeildina og að vita með hvaða hross knaparnir stefna.

Þættirnir verða átta talsins og nú þegar eru þrír komnir í loftið. Þá má sjá í spilaranum hér fyrir neðan en þar fáum við að kynnast liðum Hjarðartúns, Skeiðvöllum/Árheima og Hestvits/Árbakka.

Næsti þáttur verður sýndur um helgina, en þar hittum við lið Gangmyllunnar.