Miði á Landsmót hestamanna 2022 í jólapakkann!

Fram að áramótum er miði á Landsmót hestamanna á 33% afslætti eða aðeins 19.900 kr.

Miði á Landsmót hestamanna 2022 á Hellu er hin fullkomna gjöf fyrir hestamanninn

Miðaverði í forsölu er stillt í hóf og verða einungis í boði vikupassar fram að áramótum, eftir það fara helgarpassar í sölu á 19.900 kr. Vikupassi á viðburðinn kostar 19.900 kr í forsölu en verður á fullu verði 29.900 kr. Það er því til mikils að slægjast að ná sér í miða ekki seinna en strax!

Landsmót hestamanna 2022 mun byrja á sunnudegi og formleg dagskrá enda á laugardegi 9. júlí. Sunnudaginn 10. júlí munu hrossaræktendur bjóða heim og aldrei að vita nema þú getir heimsótt Landsmótssigurvegara!

Hvernig verður dagskrá mótsins byggð upp?
Mótið hefst á sunnudegi með forkeppni barna og unglinga í gæðingakeppni og kynbótadómum. Dagana þar á eftir heldur veislan áfram og nær hápunkti á fimmtudegi, föstudegi og laugardegi.

Verða einhverjar nýjungar?
Já, það verða sko nýjungar! Á Landsmóti hestamanna 2022 verður öllum bestu hrossum landsins boðið að taka þátt hvort sem það er í öllum flokkum gæðingakeppni eða fimmgang, fjórgang, gæðingaskeiði og slaktaumatölti í meistaraflokk. Tímagreinar í skeiði verða á sínum stað ásamt kynbótahrossum.

Af hverju endar formleg dagskrá á laugardegi?
Vegna þess að við erum að búa til skemmtilegasta Landsmót allra tíma! Við endum mótið með glæsilegustu hestum landsins og þéttsetinni brekku og endum svo á magnaðri tónlistarveislu sem nánar verður auglýst þegar nær dregur.

Á Landsmóti hestamanna 2022 má búast við gríðarlega flottri keppni í öllum flokkum! Fremstu tónlistarmenn landsins munu koma fram, markaðstjöldin á sínum stað, fjölbreyttur matur og stemmingin frábær!

Þeir sem eiga miða frá viðburðinum sem var frestað 2020 geta náð í endurnýjaða miða í gegnum tix.is, þeir sem keyptu útprentaða miða þurfa ekkert að viðhafast heldur mæta bara á viðburðinn og taka þátt í gleðinni! Ef einhverjar spurningar vakna er hægt að hafa samband á [email protected].

Tjaldsvæði fara í sölu þegar nær dregur viðburði.

Sjáumst á Hellu 2022!