,,Mót sem þetta væri ekki gerlegt án sjálfboðaliða“

Reykjavíkurmeistaramóti lauk í gærkvöldi en keppendur á mótinu voru alls 307 og skráningarnar voru rúmlega 800. Til þess að mót sem þetta geti orðið að veruleika reynir á sjálfboðaliða félaganna eins og raunin var á þessu móti.

,,Okkur fannst mótið ganga alveg eins og í sögu og höfum undan engu að kvarta enda veðrið okkur hliðhollt allan tímann og stemningin í Víðidalnum frábær. Ég vil nýta tækifærið og þakka öllum þeim sem gerðu þetta mót að veruleika og þá sérstaklega þeim fjölmörgu sjálfboðaliðum sem að mótinu komu á margvíslegan hátt. Án þessarra aðila væri ekki hægt að halda jafn glæsilegt mót og það sem kláraðist í gærkvöldi eftir 7 langa daga. Það er gaman að segja frá því að mótanefnd Fáks fékk til liðs við sig öflug fyrirtæki sem gáfu glæsilega vinninga sem voru svo dregnir út í gær til handa sjálfboðaliðum.“ Sagði Hjörtur Bergstað formaður Fáks í samtali við blaðamann Eiðfaxa.

Nú hefur verið dregið úr nöfnum sjálfboðaliða og hér fyrir neðan má sjá vinningshafana lukkulegu, gefendur vinninga og hvaða vinningar voru í pottinum.