Neisti frá Ytri-Skógum efstur á Rangárbökkum

Þriðja vikan í vorsýningum á Rangárbökkum lauk með yfirlitssýningu á föstudaginn. 95 hross mættu til kynbótadóms á sýningunni og hlutu 81 þeirra fullnaðardóm. Dómarar voru þau Eyþór Einarsson, Elisabeth Trost og Heiðrún Sigurðardóttir. Hægt er að horfa á sýninguna á EiðfaxaTV.

Neisti frá Ytri-Skógum hlaut hæstu aðaleinkunnina

Hæst dæmda hross sýningarinnar var Neisti frá Ytri-Skógum sýndur af Hlyni Guðmundssyni. Neisti er 7.vetra gamall undan Konserti frá Hofi og Gefjuni frá Ytri-Skógum, ræktandi hans er Ingimundur Vilhjálmsson en eigendur eru Bjarney Jóna Unnsteinsdóttir og Hlynur Guðmundsson. Hlaut Neisti 8,51 fyrir sköpulag með 9,0 fyrir bak og lend og hófa. Fyrir hæfileika hlaut hann 8,70 þar sem hæst ber 9,0 fyrir skeið, samstarfsvilja, fegurð í reið, fet og hægt tölt. Aðaleinkunn hans er því 8,64.

9,5 fyrir einstaka eiginleika í hæfileikadómi

Af þeim hrossum sem hlutu 9,5 eða hærra (úrvalseinkunn) fyrir einstaka eiginleika í hæfileikadómi voru þau sex talsins.

• 9,5 fyrir tölt: Kátína frá Margrétarhofi eigandi og ræktandi Margrétarhof hf, sýnandi Aðalheiður Anna Guðjónsdóttir. Kátina er 5.vetra gömul undan Kveik frá Stangarlæk og Skýju frá Margrétarhofi
• 9,5 fyrir tölt: Nótt frá Karlsbrekku eigandi og ræktandi Björk Pálsdóttir, sýnandi Hlynur Guðmundsson. Nótt er 5.vetra gömul undan Skýr frá Skálakoti og Trommu frá Höfn.
• 9,5 fyrir brokk: Sjón frá Kálfhóli 2 eigandi og ræktandi er Þórður Freyr Gestsson, sýnandi Þorgeir Ólafsson. Sjón er 5.vetra gamall undan Safír frá Mosfellsbæ og Veröld frá Kálfhóli 2.
• 9,5 fyrir fegurð í reið: Bríet frá Sumarliðabæ 2 eigandi Svarthöfði Hrossarækt ehf en ræktendur eru Birgir Már Ragnarsson og Silja Hrund Júlíusdóttir. Bríet er 5.vetra gömul undan Skýr frá Skálakoti og Sprengihöll frá Lækjarbakka.
• 9,5 fyrir fet: Fannar frá Hagabakka eigandi og ræktandi er Elke Handtmann en sýnandi var Gústaf Ásgeir Hinriksson. Fannar er 4.vetra gamall undan Hrannari frá Flugumýri II og Framtíð frá Fellskoti.
• 9,5 fyrir hægt stökk: Kvaran frá Ölduhofi eigandi og ræktandi er Verena Wellenhofer en sýnandi Benjamín Sandur Ingólfsson. Kvaran er 7.vetra gamall undan Kveiki frá Stangarlæk II og Yrmu frá Skriðu.

9,5 fyrir einstaka eiginleika í sköpulagsdómi

Fjögur hross hlutu 9,5 eða hærra (úrvalseinkunn) fyrir einstaka eiginleika í sköpulagsdómi.

• 9,5 fyrir háls, herðar og bóga: Bríet frá Sumarliðabæ 2 eigandi Svarthöfði Hrossarækt ehf en ræktendur eru Birgir Már Ragnarsson og Silja Hrund Júlíusdóttir. Bríet er 5.vetra gömul undan Skýr frá Skálakoti og Sprengihöll frá Lækjarbakka.
  9,5 fyrir samræmi: Dagur frá Hólsbakka eigendur eru Viggó Sigurðsson og Víkingahestar ehf en ræktandi er Sigurður Jón Daníelsson. Dagur er 5.veta gamall undan Dagfara frá Álfhólum og Kúnst frá Búð 2.
• 10 fyrir prúðleika: Máni frá Lækjarbrekku 2 eigandi og ræktandi er Pálmi Guðmundsson en sýnandi var Hlynur Guðmundsson. Máni er 5.vetra gamall undan Skýr frá Skálakoti og Marín frá Lækjarbrekku 2.
• 9,5 fyrir prúðleika: Emil frá Svanavatni ræktendur og eigendur eru Hlynur Guðmundsson og Bjarney Jóna Unnsteinsdóttir sem jafnframt var sýnandi. Emil er 4.vetra gamall undan Sigri frá Stóra-Vatnsskarði og Blíðu frá Ytri-Skógum.