Norðurlandamótið hefst á morgun

Norðurlandamótið hefst á morgun í Herning í Danmörku. Þátttökuþjóðirnar eru sex talsins en það eru auk Íslands, Svíþjóð, Danmörk, Færeyjar, Finnland og Noregur. Keppt er íþrótta-, gæðingakeppni og skeiðgreinum í flokki fullorðinna, ungmenna og unglinga.

Dagskrá mótsins liggur nú fyrir og hana má nálgast með því að smella hér.  Eins og Hekla Katharina, landsliðþjálfar U-21 árs liðs íslands, sagði í viðtali við Eiðfaxa eru keppendur Íslands staðráðnir í að standa sig vel.

Á morgun verður forkeppni í B-flokki og unglingaflokki í gæðingakeppni og fjórgangi, fimmgangi í íþróttakeppni. Síðasta grein kvöldsins verður svo gæðingaskeið þar sem fyrstu Norðurlanda meistararnir verða krýndir.

Eiðfaxi mun fylgja mótinu eftir og flytja af því helstu fréttir.

Mótið er sýnt beint á Alendis og má fylgjast með niðurstöðum með því að smella hér.