Notuð reiðtygi gerð upptæk í Norrænu

Hestakerra með talsverðu magni af notuðum reiðtygjum var gerð upptæki í ferjunni Norrænu fyrir nokkrum dögum. Sótt hafði verið um leyfi fyrir innflutning á kerrunni, sem er ný. Við eftirlit kom hins vegar í ljós að í henni voru notuð reiðtygi, sem stranglega bannað er að flytja til landsins.

Eigandi kerrunar og reiðtygjanna mun vera erlend kona sem er að flytja til landsins. Hún mun vera í sambandi við íslenskan hestamann en ekki hafa fengist upplýsingar hvar á landinu þau búa né hvort þau reka hestatengda starssemi. Reiðtygjunum verður eytt en eigandi kerrunnar mun væntanlega fá hana afhenta eftir að hún hefur verið sótthreinsuð.