Nýr auglýsingastjóri Hestablaðsins

Daníel Smárason er nýr auglýsingastjóri Hestablaðsins. Daníel, sem er Reykvíkingur, er tamningamaður og þjálfari frá Hólaskóla og hefur unnið við tamningar síðastliðinn áratug, meðal annars á Ármóti á Rangárvöllum, Álfhólum og Kanastöðum í Landeyjum. Hann er því flestum hnútum kunnugur í íslenska hestaheiminum. Hestablaðið væntir mikils af Daníel, sem hefur þegar tekið til starfa.