Rúmir alhliða hestar

Rúmlega þriðjungur sýndra stóðhesta voru í 6 vetra flokknum, alls 191. Álfur frá Selfossi á tvo fulltrúa í þessum flokki þá Svaða frá Hólum og Skagann frá Skipaskaga. Styrkleikinn er mikill í þessum flokki en efsti hestur er með næst hæstu aðaleinkunn ársins. Efsti hestur í flokknum er Helgnýr fra Pegasus en upprunaland hans er Danmörk. Eigandi Helgnýs er Jóhann Skúlason en hann sýndi einnig hestinn. Helgnýr er jafn alhliða hestur með 9,0 fyrir allar einkunnir hæfileika fyrir utan brokk og fet en hann hlaut 8,5 fyrir þá þætti. Helgnýr var þriðji á heimsmeistaramótinu í Herning þar sem hann hlaut 8,69 í aðaleinkunn.

Annar er heimsmeistarinn Viking fran Österåker en Viking var sýndur af Vigni Jónassyni. Viking er fyrsti hesturinn fæddur utan Íslands til að fá yfir 9,00 fyrir hæfileika. Viking hlaut 9,02 fyrir hæfileika, fyrir brokk, fegurð í reið, hægt tölt og vilja og geðslag hlaut hann 9,5 og fyrir tölt, fet og hægt stökk 9,0. Þriðji er Svaði frá Hólum en hann var fulltrúi Íslands á heimsmeistaramótinu í Herning þar sem hann hlaut sinn hæsta dóm 8,63. Svaði hlaut fyrir hæfileika 8,79 og fyrir sköpulag 8,39. Þessi einkunn dugði Svaða til að næla sér í silfur fyrir Íslandshönd.

6 vetra stóðhestar

8.76      Helgnýr fra Pegasus          Garri Reykjavík   Grein Sauðárkróki            Danmörk
8.71      Viking fran Österåker        Ísar Keldudal      Von Vindheimum            Svíþjóð
8.63      Svaði frá Hólum  Álfur Selfossi      Ösp Hólum        Ísland
8.60      Skaginn frá Skipaskaga     Álfur Selfossi      Assa Akranesi     Ísland
8.54      Stekkur frá Skák  Kvistur Skagaströnd         Lukka Búlandi    Ísland
8.51      Álfarinn frá Syðri-Gegnishólum      Keilir Miðsitju    Álfadís Selfossi   Ísland
8.51      Snarfari fra Slippen           Snar Kjartansstöðum        Héla Kílhrauni    Danmörk
8.48      Galdur frá Reykjavík        Seiður Flugumýri II         Snerra Reykjavík Ísland
8.48      Styrkur frá Stokkhólma     Tindur Varmalæk            Tollfríður Vindheimum    Ísland
8.45      Brimnir frá Efri-Fitjum     Hnokki Fellskoti Ballerína Grafarkoti          Ísland