Segist vita af tveimur áminningum

„Mér finnst þetta vera hrein rök­leysa, þessi ákvörðun Lands­sam­bands hesta­manna­fé­laga, og mér skilst að hún verði bor­in und­ir dóm­stól ÍSÍ [Íþrótta- og ólymp­íu­sam­bands Íslands] strax eft­ir helgi,“ seg­ir Óskar Sæ­berg, lög­fræðing­ur og talsmaður Kon­ráðs Vals Sveins­son­ar sem vísað var úr landsliðshóp í gær, í viðtali við Morgunblaðið.

Samkvæmt Óskari mun mál Konráðs verða flutt fyrir dómstól ÍSÍ eftir helgi en Óskar segir brottvísunina vera sorglega og byggjast annars vegar á sögusögnum og hins vegar því að Konráð hafi ekki mætt í réttum buxum á mót og mætt seint á liðsfund. „Ég spyr nefnd­ina hvað Kon­ráð gerði svona slæmt að það rétt­læti að nefnd­in rjúki til og sparki heims­meist­ar­an­um okkar í burtu kort­eri fyr­ir Heims­meist­ara­mót? Mér vit­andi hef­ur Kon­ráð hlotið tvær áminn­ing­ar fyr­ir aga­brot, aðra fyr­ir að mæta of seint á liðsfund og hina fyr­ir að mæta í vit­laus­um reiðbux­um. Önnur aga­brot hafa ekki verið kynnt mér eða Kon­ráði. Við spurðum nefnd­ina ít­rekað hvort það tengd­ist lík­ams­árás­inni sem hann varð fyr­ir í kjöl­far þess að hafa bakkað á bif­reið starfs­manna Al­end­is TV á Reykja­vík­ur­meist­ar­móti Fáks í Víðidal 14. Júní,“ segir Óskar og bendir á að engin leið sé að átta sig á raunverulegu ástæðu brottrekstrarins í ákvörðunarbréfinu sem Konráð fékk frá nefndinni.

Viðtal Óskar við Morgunblaðið má lesa HÉR