Siggi Sig oftast staðið efstur á palli í fjórgangi

9. janúar 2025
Fréttir

Tvær vikur í að keppni hefjist í Meistaradeild Líflands

Í dag er hálfur mánuður í að keppni í Meistaradeild Líflands í hestaíþróttum hefjist í HorseDay höllinni á Ingólfshvoli.

Meistaradeildin verður sýnd beint á streymisveitu Eiðfaxa, EiðfaxaTV. Nú á allra næstu dögum verður nánar kynnt hvernig fólk nálgast þá streymisveitu og verður sér úti um áskrift.

Fjórgangur hefur síðastliðin ár verið fyrsta keppnisgrein deildarinnar og á því er ekki breyting í ár. Í fyrra var það Jakob Svavar Sigurðsson á Skarpi frá Kýrholti sem stóð uppi sem sigurvegari með einkunnina 7,80, var það þriðji sigur sigur Jakobs í fjórgangi í Meistaradeildinni.

Sá knapi sem hefur oftast unnið þessa grein er Sigurður Sigurðarson alls fjórum sinum. Fyrst á Yl frá Akranesi, síðan á Suðra frá Holtsmúla, þá Loka frá Selfossi og árið 2022 á Leik frá Vesturkoti. Hinrik Bragason var fyrstur til að vinna keppni í fjórgangi í Meistaradeildinni á Roða frá Akureyri.

Það verður spennandi að sjá hvort við fáum nýjan sigurvegara í fjórgangi þegar keppni hefst eftir tvær vikur eða hvort einhver af fyrri sigurvegurum mun endurtaka leikinn.

Sigurvegarar í fjórgangi frá upphafi Meistaradeildarinnar

Ár	Knapi	Hestur	Einkunn
2024	Jakob Svavar Sigurðsson	Skarpur frá Kýrholti	7,80
2023	Aðalheiður Anna Guðjónsdóttir	Flóvent frá Breiðstöðum	8,20
2022	Sigurður Sigurðarson	Leikur frá Vesturkoti	7,57
2021	Ragnhildur Haraldsdóttir	Vákur frá Vatnsenda	7,53
2020	Jakob Svavar Sigurðsson	Hálfmáni frá Steinsholti	7,63
2019	Árni Björn Pálsson	Flaumur frá Sólvangi	7,77
2018	Jakob Svavar Sigurðsson	Júlía frá Hamarsey	7,70
2017	Elín Holst	Frami frá Ketilsstöðum	8,07
2016	Hulda Gústafsdóttir	Askur frá Laugamýri	7,90
2015	Ólafur Brynjar Ásgeirsson	Hugleikur frá Galtanesi	7,80
2014	Ólafur Brynjar Ásgeirsson	Hugleikur frá Galtanesi	8,27
2013	Eyjólfur Þorsteinsson	Hlekkur frá Þingnesi	8,27
2012	Artemisia Bertus	Óskar frá Blesastöðum 1A	7,70
2011	Sigurður Sigurðarson	Loki frá Selfossi	7,65
2010	Lena Zielenski	Gola frá Þjórsárbakka	7,47
2009	Sigurður Sigurðarson	Suðri frá Holtsmúla	7,80
2008	Sigurður Sigurðarson	Ylur frá Akranesi	*
2007	Atli Guðmundsson	Dynjandi frá Dalvík	7,23
2006	Þorvaldur Árni Þorvaldsson	Ör frá Prestsbakka	*
2002	Berglind Ragnarsdóttir	Bassi frá Möðruvöllum	7,25
2001	Hinrik Bragason	Roði frá Akureyri	*