Skemmtilegt á Hvammstanga þrátt fyrir rigningu og rafmagnsleysi

15. ágúst 2010
Fréttir

Það hefur rignt nokkuð á keppendur í morgun en nú er að byrja að birta til. Eitthvað náði bleytan að komast í rafmagnið svo að dómpallur varð rafmagnslaus í miðjum úrslitum. En hér deyr fólk ekki ráðalaust og sumir eru vanir að láta heyra í sér. Knapinn góðkunni Tryggvi Björnsson sem var að þula í morgun, stökk þá útúr dómpallin og stjórnaði bara úr brekkunni. Vildu margir meina að það hafi jafnvel heyrst hærra í honum þar en þegar hann notaðist við hátalarakerfið.

Fjórgangur Barna.

Arnór Dan Kristinsson og Háfeti frá Þingnesi urðu Íslandsmeistarar í fjórgangi barna og Arnór varð einnig sameiginlegur sigurvegar í barnaflokki. Þetta var spenanndi keppni en efst inn í úrslitin var Ásdís Ósk Elvarsdóttir á Mön. Hún leiddi framanaf úrslitum en þegar kom að stökkinu þá fór hryssan á hægra stökk og hlutu þær stöllur því 0 fyrir stökksýninguna.

Úrslitin urðu eftirfarandi

Sæti Keppandi

1 Arnór Dan Kristinsson / Háfeti frá Þingnesi 6,46

2 Bára Steinsdóttir / Spyrnir frá Grund II 6,40

3 Alexander Freyr Þórisson / Astró frá Heiðarbrún 6,36

4 Harpa Sigríður Bjarnadóttir / Trú frá Álfhólum 6,35

5 Glódís Rún Sigurðardóttir / Blesi frá Laugarvatni 6,17

6 Dagmar Öder Einarsdóttir / Sögn frá frá Grjóteyri 6,08

7 Ásdís Ósk Elvarsdóttir / Mön frá Lækjamóti 5,27

Arnór Dan var einnig samanlagður sigurvegari í barnaflokki með 16,97 stig

Gústaf Ásgeir Hinriksson Íslandsmeistari í fjórgangi Unglinga

Það var ofboðslega jöfn og spennandi keppni í fjórgangi unglinga og knapar skiptust á að hafa forystu. Þegar koma að síðasta sýningaratriði þá voru 2 knapar jafnir í fyrsta sæti og aðeins munaði 0.03 á fyrsta og fjórða sætinu. En Gústaf Ásgeir nýtti sér reynslu sína og lagði allt í sölurnar á yfirferðinni og náði að landa titlinum. Rétt er að geta þess að Gústaf Ásgeir er einnig sameiginlegur sigurvegari í Unglingaflokki

Sæti Keppandi

1 Gústaf Ásgeir Hinriksson / Naskur frá Búlandi 6,49

2-3 Anna Kristín Friðriksdóttir / Glaður frá Grund 6,42

2-3 Brynja Kristinsdóttir / Barði frá Vatnsleysu 6,42

4 Þórunn Þöll Einarsdóttir / Mozart frá Álfhólum 6,38

5 Ásta Björnsdóttir / Glaumur frá Vindási 6,30

6 Ellen Ýr Gunnlaugsdóttir / Svanur Baldur frá Litla-Hóli 6,28

Gústaf Ásgeir Hinriksson var einnig samanlagður sigurvegari í unglingaflokki með 24,15 stig

Hekla Katharína Kristinsdóttir Íslandsmeistari í fjórgangi ungmenna.

Það er óhætt að segja að þær sýningar sem ungmennin boðu áhorfendum uppá, gefa meistarflokknum ekkert eftir. Allt glæsilegir hestar þar á ferð. Hekla Katharína kom efst inn í úrslitin og hún lét fyrsta sætið aldrei af hendi.

Úrslit

Hekla Katharína Kristinsdóttir/ Gautrekur frá Torfastöðum 6.95

Agnes Hekla Árnadóttir/Vignir frá Selfossi 6.67

Arnar Bjarki Sigurðarson/ Röskur frá Sunnuhvoli 6.63

Ólöf Rún Guðmundsdóttir/ Skjalfti frá Bjarnastöðum 6.50

Helga Una Björnsdóttir/ Hljómur frá Höfðabakka 6.47

Stella Sólveig Pálmarsdóttir/ Svaði frá Reykhólum 6.43