Spennandi ár framunda

5. nóvember 2015
Fréttir

Aðalfundur GDLH.

„Aðalfundur Gæðingadómarafélagsins var haldinn í Harðarbóli í Mosfellsbæ föstudagskvöldið 23 október. Mætingin var fín þó það væri að sjálfsögðu betra að allir félagsmenn myndu mæta og koma skoðunum sínum á framfæri. Sigurður Stramfjörð Pálsson sem gegnt hafði stöðu formanns síðastliðinn tvö ár, gaf ekki kost á sér áfram og Magnús Sigurjónsson var einróma skipaður nýr formaður félagsins.

Stjórn félagsins fyrir starfsárið 2015-2016 er því þannig skipuð.
Formaður: Magnús Sigurjónsson
Varaformaður: Davíð Jónsson
Ritari: Gísli Guðjónsson
Gjaldkeri: Pétur Vopni Sigurðsson
Vefstjóri: Ingibergur Árnason
Meðstjórnendur: Stefán Ágústsson og Helga Claessen

Fyrsta verkefni stjórnar var að skipa fræðslunefnd til starfa og í hana voru skipuð;
Sindri Sigurðsson formaður, Logi Laxdal,Marjolijn Tiepen,Sigurður S. Pálsson og Valdimar Ólafsson.

Mjög spennandi starfsár er framundan hjá gæðingadómarafélaginu. Nýdómaranámskeið og landsdómaranámskeið er áætlað að halda á starfsárinu, en það verður nánar auglýst síðar. Upprifjunarnámskeið verða að sjálfsögðu á sínum stað á Íslandi auk námskeiða víðs vegar um Evrópu. Landsmót á Hólum er að sjálfsögðu ofarlega í huga GDLH sem mun senda góðan hóp samstilltra dómara norður og hjálpa til við að gera landsmótið glæsilegt. Stjórn GDLH lítur björtum augum fram á veginn og hlakkar til að takast á við komandi starfsár með sínum félagsmönnum.

Viðburðir sem stjórn og fræðslunefnd stendur fyrir verða nánar auglýstir síðar.“

f.h. stjórnar
Gísli Guðjónsson