Spennandi töltforkeppni – úrslit-

Það skiptust á skin og skúrir í forkeppni í tölti í dag. Bókstaflega.

Úrhellisrigning hafði áhrif á frammistöðu suma keppenda í forkeppni í tölti. Þó ekki allra. Karly Zingsheim á hinum gráa Degi komu fram þegar demban var hámarki en hún virtist ekki hafa áhrif á þá félaga sem fóru glæsilega um blautan völlinn og hlutu 8,43 í einkunn. Ætlaði allt um koll að keyra í áhorfendastúku þjóðverjanna þegar ljóst var að hann hafði tekið toppsætið af Hinriki Bragasyni sem hafði haft nokkuð örugga forystu fram að því, hlutu 8,20.

Viðar Ingólfsson og Tumi frá Stóra-Hofi hlutu 7,43 fyrir sína frammistöðu. Hraðabreytingarnar voru ekki jafn fumlausar og þeir eru þekktir fyrir og varð það þeim kannski mest að falli. Voru áhorfendur ekki alveg sammála dómurum þegar tölur voru lesnar upp en þeir luku keppni í 11. sæti, aðeins steinsnar frá B-úrslitum.

Ungmennin okkar stóðu sig með prýði,  voru öll settleg og fagleg á vellinum.  Agnes Hekla Árnadóttir  og Vignir frá Selfossi  hlaut 6,97 og varð í þriðja sæti ungmenna á eftir hinni dönsku Ditte Soeborg á Dár frá Kjartansstöðum frá Danmörku og Marleen Stühler frá Þýskalandi á Baldur vom Sonnenreiter. Hekla Katharína Kristinsdóttir á Gautreki frá Torfastöðum hlutu 6,93 og Arnar Bjarki Sigurðsson og Röskur frá Sunnuhvoli 6,73.

Hvinur frá Holtsmúla kom fram fyrir hönd Noregs í ungmennaflokki. Knapi hans var Elise Lundhaug og má þykja það nokkuð kjarkað að mæta til leiks með ríkjandi heimsmeistara í greininni. Sýning þeirra virtist því miður nokkuð þvinguð og hlutu þau einkunnina 6,77 og luku keppni í 27. sæti.

Stytt hafði upp þegar Jóhann R. Skúlason og Hnokki frá Fellskoti mættu á völlinn, síðastir keppenda. Voru þeir glæsilegir að vanda, uppskáru mikið lof áhorfenda á meðan á sýningu stóð og hlutu 8,30 í lokaeinkunn sem er 2. sæti inn í A-úrslit á eftir Karly og Degi.

Úrslit forkeppninnar urðu eftirfarandi: