Spurning til keppnisnefndar LH

Á Feif þingi 2021 var samþykkt breyting á reglu 8.1.3.2. sem að fjallar um það hvernig dómarar skuli bregðast við missi hestur skeifu inn á hringvelli.

Í forkeppni er það alveg skýrt að missi hestur skeifu skal hann dæmdur úr leik í viðkomandi grein.

Í úrslitum skal hestur er missir skeifu hljóta einkuninna núll fyrir síðasta atriði sem að sýnt var í úrslitunum en  heldur þeim tölum sem að gefnar hafa verið fram að því og ekki dæmdur úr leik.

Eftir samtal mitt við nokkra dómara virðist misbrestur á túlkun þessarar greinar í lögum og reglum þegar að kemur að úrslitareið í fimmgangi, þ.e.a.s. skeiðsprettum.

Allir eru á einu máli um það að allar gangtegundasýningar eru hver og ein eitt atriði sýnt í úrslitum, en ekki eru allir á einu máli varðandi skeiðið í úrslitum, er það eitt atriði allir sprettirnir eða er hver og einn sprettur eitt sýningaratriði?

Í úrslitum á Íslandsmóti missti hestur skeifu í þriðja spretti í úrslitum sem að er valfrjáls sprettur en getur að sama skapi talið til hæstu einkunnar í úrslitunum, eftir mikla reikistefnu var ákveðið að fyrri tveir sprettirnir teldu og að knapinn skyldi hljóta einkunn og sigraði úrslitin.

Mínar vangaveltur eru þær hvort að fimmgangur sé túlkaður á annan hátt en aðrar hringvallagreinar?

Samvæmt reglunni hefði hestur í öðrum hringvallagreinum hlotið einkuninna núll fyrir síðasta atriði t.d. yfirferðartölt sem að er skilgreint sem eitt atriði í úrslitum.

Sjálfur er ég gæðingadómari og gæðingakeppnin hefur stuðst við reglur Feif varðandi fótabúnað ofl.

Samkvæmt mínum skilningi á reglunni ætti hestur sem að missir skeifu í úrslitum td. á skeiði í seinni spretti sem að er valfrjáls sprettur að hljóta einkunnina 5.0 fyrir skeið en heldur sínum tölum í úrslitum fram að því og er ekki dæmdur úr leik og hlýtur sín verðlaun en endar væntanlega í neðsta sæti í úrslitum.

Því er mín beina spurning til keppnisnefndar LH, hvernig skuli túlka reglu 8.1.3.2. þegar að kemur að úrslitum?

Jón Þorberg Steindórsson

Gæðingadómari